gerontiey

Category:

Акафист священномученику Антонию

Акафист священномученику Антонию, исповеднику Афонскому и Российскому

Кондакъ 1

Избранный Богом подвижниче отче Антоние, быти защитником правыя веры во Имя Господа Бога нашего1, отвергнутая и похуленная архиереями синодальными; Возлюбив бо Имя Господне паче мира сего, сподобился еси венца исповеднического; мы же с любовию восхваляем тя: Радуйся, Антоние, новый исповедниче и молитвенниче о душах наших.  

Икос 1

Ангелов Творче и Господи сил, отверзи ми недоуменный ум и язык на похвалу приснопамятнаго защитника чести и славы и Божества Твоего пречистого Имене, достоблаженного исповедника Антония, ему же приносим похвалы сия:

Радуйся, отче Антоние, светильниче Церкве Христовой;

Радуйся, ревностный защитниче славы и Божества Пресвятаго Имени Творца вселенныя;

Радуйся, верный служитель Господу Богу;

Радуйся, воин земного царя преобразивыйся в воина Царя Небесного;

Радуйся, возлюбивый Славу Божию, паче земныя славы и почестей земных;

Радуйся, оставивый тленный мир сей, и устремивыйся в горнее Царствие;

Радуйся, присноблаженный любителю Имени Иисусова;

Радуйся, во святую гору Афонскую ради единого на потребу вселивыйся;

Радуйся, отцев Афонских красото;

Радуйся, небесных Архангелов и Ангелов сожителю;

Радуйся, Антоние, новый исповедниче и молитвенниче о душах наших.

1. 1 Иоан. 3, 23; Иоан. 1,12; 3,18; 5,13; Мрк. 16,17; Мф. 26, 19

Кондак 2

Видя суету мира сего ничтоже спасительного душе приносящую, посвятил себя житию иноческому спасения ради души своея, и всем сердцем возлюбив Господа Бога совершал еси ночные подвиги молитвенныя, молясь о себе, о мире  и царе нашем Православном, и вопиял еси Богу: Аллилуиа.  

Икос 2

Разум свой посвятил еси на служение Богу, каждодневно литургисал еси, любителю молитвенного безмолвия и сладостной молитвы Иисусовой.  Сего ради приими, отче Антоние, от нас недостойных песненныя похвалы сия:

Радуйся, неустанный подвижниче молитвы Иисусовой;

Радуйся, никогоже осудивый и за всех моливыйся;

Радуйся, непоколибимый столп веры и благочестия;  

Радуйся, правило кротости и смирения;

Радуйся, учителю неосуждения и братолюбия;

Радуйся хранителю чистоты веры Православныя;

Радуйся, избранный сосуде благодати Божией;

Радуйся, ластовица Российская, объюхавшая (обонявшая) Божественныя Писания;

Радуйся, усердный любителю Имени Иисусова;

Радуйся, смиренномудро изучивший Святыя Писания;

Радуйся, Богопросвещенный хранителю веры во Имя Божие;

Радуйся, познавый Бога сердцем своим во Имени Его;

Радуйся, Антоние, новый исповедниче и молитвенниче о душах наших.  

Кондак 3

Силою благодати Божия осененный разумети Писания, егда возгореся на Афоне  ересь имяборная, призван Богом на исповедничество, защитником быти величия и Божественного достоинства Имени Божия, Егоже возлюбив, присно воспевал: Аллилуиа

Икос 3

Имея богатство милосердия и горя ревностию о славе Имени Господа Иисуса, посвятил еси силы твои на изобличение имяборного отступления от Бога. Уразумев, отче, любовь твою к Имени, еже паче всякого имене, радостно восклицаем ти:

Радуйся, водрузивый в сердце своем Бога, во Имени Его;

Радуйся, святый ревнителю Славы Имени Божия;

Радуйся, нетерпивый хулы и безчестия Имени Иисусова;

Радуйся, паче злата и топазия возлюбивый Имя Господне;

Радуйся, всего себя посвятивый на прославление Имени Бога;

Радуйся, многими писаньми изобличивыйй имяборчество;

Радуйся, пламенной ревностию изобличивший ересь хулы на Имя Господне;

Радуйся, чистая свеща, горящая пламенем веры Христовой;

Радуйся, Антоние, новый исповедниче и молитвенниче о душах наших.  

Кондак 4

Буря нашествия ереси имяборныя на святую гору Афонскую смутила тя, егда ересиархи восхулиша Державное Имя Бога. Не терпя хулы сея, укрепляемый Божией благодатию, ты, отче Антоние, возгорелся еси Архангеловой ревностию и заградил хульныя усты имяборцев, поя Богу: Аллилуиа.  

Икос 4

Слыша хулу имяборцев на Имя Господне, ты, отче, воеже (чтобы) молчанием не предати  Бога, презрев страх начальников Афонских обителей, выступил защитником Славы Имени Господня. Сего ради приими, отче, от нас недостойных похвалы сия:

Радуйся, крепчайший исповедник Славы и Божества Имени Божия;

Радуйся, яко убоялся еси страха Божия, паче страха человеческаго;

Радуйся, жизнь вечную не променявый на блага житейския;

Радуйся, крепкая оградо веры Христовой от имяборчества;

Радуйся, неугасимый светильник веры Христовой;

Радуйся, Энергию Существа Бога в Имени Его проповедавый;

Радуйся, Бога во Имени Его сердечными очами узревый;

Радуйся, в Имени Господнем постиг Его Божество;

Радуйся, мудрый учителю правоверия;

Радуйся, Божественный орган Духа Святаго;

Радуйся, звездо неугасимая озаряющая путь к правоверию;

Радуйся, добрый наставник на путь исповедничества;

Радуйся, Антоние, новый исповедниче и молитвинниче о душах наших.  

Кондак 5

Боготечную звездою, указующей малому остатку правоверных христиан на последок времен, посла тебя Бог, отче Антоние, сего ради благодарственную песнь поем Богу: Аллилуиа.  

Икос 5

Видеше иноцы Афонстии ревность твою, отче Антоние, о славе хулимого имяборцами Имени Божия, последоваша за тобою в ряды исповедников прославляющих Имя Господне; сие радостно вспоминая, взываем ти:

Радуйся, предводителю ополчения иноков Афонских в борьбе за правое почитание Имени Божия;

Радуйся, незаблудный наставниче братии Афонской, веры во Имя Господа Иисуса;

Радуйся, мудрый обличителю имяборческого нечестия;

Радуйся, ревностный искоренителю имяборной хулы на Имя Господне;  

Радуйся, охранителю православного благочестия;

Радуйся, скала несокрушимая правоверия;

Радуйся, смиренный инок и дерзновенный исповедник;

Радуйся, определивый судьбу Афонских исповедников;

Радуйся, изгнанник Афонский с братией имяславцами, за Имя Господне;

Радуйся, поборниче веры Православной;

Радуйся, образ исповедничества всем показавый;

Радуйся, боятися Бога а не людей, нас научивый;

Радуйся, Антоние, новый исповедниче и молитвенниче о душах наших.  

Кондак 6

Проповедник истиннаго Православия явился еси на Афоне и в России волею Господа Иисуса, за Его же имя изгнание и многие скорби претерпевый, и за сия вся Господу Богу воспевал: Аллилуиа.  

Икос 6

Возсия вселенней на кончине веков светильник православныя веры, благочестия и исповедничества, отче Антоние был еси, яко проповедал еси миру величие, славу и Божество Имени Пресвятыя Троицы. Сего ради приносим ти, отче, радостныя похвалы сия:

Радуйся, светильник веры Христовой Богом данный;

Радуйся, путь ведущий в Царствие Небесное нам указавый;

Радуйся, исповедниче Небесного Ангельского Имяславия;

Радуйся, лик земной славословия Имени Божия составивый;

Радуйся, непокоривыйся имяборному учению Синода;

Радуйся, обнаруживай многие ереси в имяборчестве;

Радуйся, ревностный защитниче Православного учения;

Радуйся, изобличителю имяборного отступления;

Радуйся, смиренный изъяснитель Божественных Писаний об Имени Божием;

Радуйся, сопричастниче Ангельского Имяславия;

Радуйся, Антоние, новый исповедниче и молитвенниче о душах наших.  

Кондак 7

Хотя напоследок времен тайну спасения открыти малому остатку рабом Своим верным христианам, Милосердый Господь явил нам великого исповедника и служителя Своего, отца нашего Антония, открывшаго «тайну благочестия в исповедании и прославлении Имен Пресвятыя Троицы».2 Сего ради воспеваем Богу благодарственную песнь: Аллилуиа.

Икос 7

Дивную показа Господь милость Свою, послав избранника поведати нам «тайну беззакония» в похулении Имен Божиих, ея же избегнути помози нам Сладчайший Иисусе, молитвами угодника Твоего святаго Антония, ему же от любве нашея взываем:

Радуйся, велий служитель Промысла Божия;

Радуйся, оберегающий нас писаньми твоими от «тайны беззакония»;

Радуйся, не оставляющий нас в молитвах по твоем отшествии в мир горний;

Радуйся, не покинувый нас блуждати на пути погибельном;

Радуйся, сказателю нам воли Божией в Имяславии;

Радуйся, ограда наша и защитниче от ереси имяборныя;

Радуйся, просветителю омраченного ума нашего, Словом Божиим;

Радуйся, широта истиннаго богословия Имени Божия;

Радуйся, клас прозябший веры благочестивыя;

Радуйся, всему миру радость и удивление;

Радуйся, Антоние, новый исповедниче и молитвенниче о душах наших.  

2  Св. Григорий Нисский Ч.6 М. 1864. С. 232-4

Кондак 8

Странно видети нам грешным, како воин царя земнаго, стал еси воином  Царя Небесного. Обаче (однако), разумея волю и промысл Божий на сие Славы ради Имени Своего Пресвятаго, и ради малого остатка верных христиан, благодарственную песнь воспеваем Богу: Аллилуиа.  

Икос 8

Весь предался еси молитве и защите от похуления имяборцами Имени Господня, защитниче Веры Православныя, Антоние блаженне, ныне же торжествуеши со Ангелы и всеми Святыми на Небеси. Сего ради приносим ти сия хваления:

Радуйся, непреоборимый исповедниче Славы Имени Божия;

Радуйся, подражателю Ангелам и всем Святым славящим Имя Божие на небеси;

Радуйся, отче Антоние, прелюбимый наш наставниче;

Радуйся, скоропослушный о нас молитвенниче;

Радуйся, словесная река истиннаго богословия;

Радуйся, низводителю милости Божия имяславцам;

Радуйся, заблуждающихся любвеобильный вразумителю;

Радуйся, предсказание гнева Божия упорным имяборцам;  

Радуйся, прорекший наказание Божие Царю, не внявшему твоим призывам искоренить в России имяборчество;

Радуйся, яко плакал и скорбел еси о грядущем гневе Божием на Россию и самодержавие царское, за похуление Имени Божия;

Радуйся, Антоние, новый исповедниче и молитвенниче о душах наших.  

Кондак 9

Все естество Ангельское безпрестанно славит Пресвятое Имя Твое, Иисусе, на небеси Свят, Свят, Свят вопиюще; на земли же вернии людие возносят туюжде Ангельскую песнь; составляется общее торжество небесных и земных существ, вкупе вопиющих: Аллилуиа.  

Икос 9

Ветии суемудреннии синодальные архиереи имяборцы, руководимые философией Макса Мюллера, вознесоша страшную хулу на Имя Господне, Его же поют Архангелы, Ангели и вся воинства Небесная; Ты же, отче Антоние, словом Божиим впрах низложил еси безумные глаголы их; Сего ради приими от нас похвалы сия:  

Радуйся, яко Словом Божиим заградивый злодышущия уста хульников Имени Божия;

Радуйся, яко адамантову крепкую веру во Имя Божие всему миру показавый;

Радуйся, безчинства имяборцев Словом Божиим изобличивый;

Радуйся, клеветнические козни их разоблачивый;

Радуйся, вразумителю смиренных, нечаянно склонившихся на имяборческую лесть;

Радуйся, непокоривых Слову Божию имяборцев посрамивый;

Радуйся, искренно заблудших на путь истинной веры наставивый;

Радуйся, многих, не ведавших «тайны беззакония» в имяборчестве вразумивший;

Радуйся, призывающий на покаяние всех обманутых Синодом и патриархом Тихоном;

Радуйся, блюстителю чистоты сокровища Православия;

Радуйся, Антоние, новый исповедниче и молитвенниче о душах наших.  

Кондак 10

Спасти хотя избранных Своих от имяборного отступления от Всесвятейшего Имени Своего и привести к свету Имяславия, еже есть душа Православия, послал еси нам, Господи,  ревностного изобличителя «тайны беззакония» содеянной в Синоде Российския Церкве, блаженного отца нашего Антония. Сего ради приносим Богу благодарение и поем Ему: Аллилуиа.  

Икос 10

Царю превечный, Утешителю Христе истинный, очистивый десять прокаженных; очисти и наша скверная уста во еже славити и воспевати Всесвятое Имя Твое, яко богомудро научил еси нас посланник Твой, новый Антоний Великий, ему же благодарни суще, взываем:

Радуйся, лучь божественный, путь спасения верным указующий

Радуйся, огнь, попаляющий злочестие имяборческое;

Радуйся, чистительная лопата, мерзкую хулу имяборческую погребающая;

Радуйся, серп, посекающий имяборчество для огня вечного;

Радуйся, кормило, направляющее нас  в Царство Небесное;

Радуйся, компас спасения, во тьме неведения блуждающим;

Радуйся, искра Божия, веру в сердцах воспламеняющая;

Радуйся, камень, твердого Петрова исповедания;

Радуйся, кладязь, сокровища веры и благочестия;

Радуйся, корабль, плавающим в море житейском хотящих достичь в пристань спасения;

Радуйся, Антоние, новый исповедниче и молитвенниче о душах наших.

Кондак 11

Пение всеумиленное Имени Спасителя нашего Иисуса деннонощно приносил еси блаженне Антоние, недавая телеси покоя, писанием изобличая «тайну беззакония» имяборческого отступления от Веры Православныя, содеянную на престоле Церкве Российския Синодом и патриархом Тихоном. Дивимся, отче, неослабной ревности твоей, и взываем к Богу: Аллилуиа.

Икос 11

Светоподательна светильника посланного Богом сущим во тьме неведения имяборного отступления, исповедуем тя, отче Антоние преподобне, разгоняющаго тьму зловерия хулителей Имени Божия, и сего ради взываем ти:

Радуйся, во тьму зловерия падшим, свет истиннаго правоверия возсиявший;

Радуйся, радость наша, отче Антоние блаженный;

Радуйся, соловей небесный, дивно воспевающий Славу Имени Господня;

Радуйся, неутомимый защитниче истинная веры;

Радуйся, источниче неисчерпаемый, всем подающий воду вечной жизни;

Радуйся, зловерия имяборческого искоренителю;

Радуйся, громе, врагов Православия устрашающий;

Радуйся, песнопеснивый соловей, к правоверию привлекающий;

Радуйся, роса духовная, верных благодатию Божией орошающая;

Радуйся, винограде зрелый, вино истинныя веры источающий;

Радуйся, пастырь добрый, на пажить правыя веры Христовы призывающий;

Радуйся, во всем мире верным радость и веселие;

Радуйся, Антоние, новый исповедниче и молитвенниче о душах наших.  

Кондак 12

Благодать подаждь нам, о Иисусе Сладчайший, славити и величати Спасительное Имя Твое ,Иисус, и вкупе с блаженным отцем нашим Антонием воспевати Тебе песнь: Аллилуиа.

Икос 12

Поюще Славу и великолепие Пресвятаго Имени Твоего Иисусе, держит бо весь мир,3 величаем и благодарим великое милосердие Твое к нам грешным, яко послал еси нам нового исповедника и наставника на путь спасения, блаженного отца нашего Антония, емуже от любящего сердца взываем:

Радуйся, отче наш приснопамятный Антоние, наставниче предобрый;

Радуйся, яко в славословии Имени Божия радость велию обрел еси и нам принесший;

Радуйся, просветитель во тьме неведения сущих;

Радуйся, провозвестниче древняго Имяславия;

Радуйся, слезы пролиявший об отступлении России от исконного Имяславия, еже суть душа Православия;

Радуйся земный ангеле и небесный человече;

Радуйся, немолчная уста ангельского славословия Имени Господа Иисуса;

Радуйся, ангельская свирель, услаждающая благочестивых чувства радостию и веселием духовным;

Радуйся, нечаянное чудо двадцатого века;

Радуйся, неустанный за весь мир молитвенниче;

Радуйся, Антоние, новый исповедниче и молитвенниче о душах наших.  

3  Пастырь св. Эрма. Подобие 9. глава 14.

Кондак 13

О, пресладкий и всещедрый Иисусе! Прими благодарственная хваления Твоего угодника, неутомимаго славителя Пресвятого Твоего Имени! И ты, святый отче Антоние, приими от чад твоих духовных, яко дань приносимая тебе нам благодарения, за еже открыл еси нам путь ко спасению в нощи греховней сущим! Помоги, отче, твоими святыми молитвами, с терпением проходить скорбный путь сея жизни, и сподобитеся нам Рая сладости вожделеннаго, и воспевать Богу: Аллилуиа.

( Сей кондак глаголем трижды. Затем Икос 1-й и Кондак 1-й)  

Молитва

О, великий угодниче, исповедниче, и священномучиниче отче Антоние! Припадаем к твоей святости грешнии и недостойнии духовная чада твоя, соучастницы твоего спасительного исповедничества, и молим тя, дорогой наш наставниче, добрый учителю и усердный Богу молитвенниче: вознеси у престола Пресвятыя Троицы твои святые молитвы о нас грешных, плавающих в пучине моря житейского, в окружении соблазнов, беззаконий и сетей вражиих; умоли Господа Иисуса Христа, за Его же Имя подвизался еси до кончины своя, да простит Всемилостивый Господь кающимся нам согрешения наша, да не помянет грехов и беззаконий наших на Страшном Суде Своем, егда откроются греховные дела и помышления наша; умоли Спасителя нашего Иисуса Христа: да приносим прежде Страшного Суда всегдашнее искреннее покаяние, да плачем горько о грехах своих, да храним память смертную, да не осуждаем ближних, да благодарим Господа в скорбях, да молимся за обидчиков наших, да победим в себе гнев и возымеем истинное смирение, любовь ко всем и всепрощение, а наипаче присное попечение о душевном спасении и со тщанием хранити в чистоте Веру нашу Православную, избегати молитвенного общения с имяборцами. Умоли Господа нашего Иисуса Христа: да избавит нас от тайных козней и сетей вражиих и печати антихриста, и до конца земной жизни нашей  подвизатися нам за честь, славу и Божество Всесвятого Имени Пресвятыя Троицы, Молитвами Пресвятой Богородицы и всех Святых от века благоугодивших Господу, Которому слава, честь и держава со Отцем, и Святым, Благим, и Животворящим Его Духом, ныне и присно, и во веки веков. Аминь.  

Молитва иная

Мир возненавидивый, Христа Иисуса возлюбивый, и о жизни вечная зело ревноваый, истинное богословие от Бога приявый, и богословец благодатный показался еси, все силы плоти и духа во славу Имени Божия посвятил еси, преславный отче Антоние, молися у престола Бога во Святей Троице славимого, Егоже Имя на земли исповедал и прославил еси, услышит Господь твоя моления  о нас грешных славящих имя Его, и веруем, яко твоими святыми молитвами Господь помилует и спасет нас, яко Благ и Человеколюбец. Аминь.  

Error

default userpic
When you submit the form an invisible reCAPTCHA check will be performed.
You must follow the Privacy Policy and Google Terms of use.